As nij riedslid fan de FNP liket it my
goed om my earst mar efkes foar te stellen. In soad minsken sille my
wol kinne, mar oaren miskien wer net. Dêrom dus.
Ik bin Emke Peterson, 63 jier en wenje
yn Damwâld. Ik sit aanst krapoan fyftjin jier yn de ried. It langste
skoft foar Dantumadeel"82, mar sûnt goed twa jier as ûnôfhinkelik
riedslid. Yn 2011 ha ik brutsen mei D"82 want d'r wie tefolle
ferskil fan miening oer de koers fan de partij. De ôfrûne twa jier
wie foar in ienmans fraksje wol drok, mar it wie wol noflik wurkjen
sûnder allerhande omballings.
Ik wenje oan de T.E.Teunissenwei en it
wennet hjir tige nei't sin mei Dirkje Gulmans. Sa't jim sjogge
wenje wy net tegearre, mar wennet Fardau ek by ús. Fardau is in
jonge stabij. Ek ha wy noch twa raskatten, Bella en Bibi.
Ik wurkje
noch fjouwer dagen yn'e wike by in fleisbedriuw yn Feanwâlden, wy
leverje fleis en fleisguod oan restaurants, benammen oan Chinezen.
Njonken de polityk is sport myn grutte
hobby. Mei namme it reedriden en fansels ek fuotbaljen. Ik bin fêste
supporter fan Broekster Boys. By dizze feriening ha ik yn it ferline
spiler en ek bestjoerslid west. Dêrfoar ha ik ek noch yn allerhande
bestjoeren sitte fan it tsjerklik jongereinwurk.
No dus yn de ried foar de FNP. De
partij hat it in skoftsje dreech hân, mar op dit stuit libbet it wer
omraak. Moai!! It brûst wer. Mei elkoar de skouders d'r ûnder en
troch ienriedige gearwurking sille wy besykje yn maart safolle
mooglik stemmen te heljen. Ik gean d'r foar dat wy op syn minst twa
sitten heljen.
Emke.
Frysk 
Nederlands