Thijs
en Jeanette Baarsma binne al mear as 20 jier de driuwende krêften
achter de moadewinkel yn De Westereen, dy't yn 1977 oprjochte waard
troch Lolke Baarsma. Sake Store De Westereen, festige yn it eardere
pand fan Bacofa, is ien fan de 13 filialen yn Fryslân. Bûten
Fryslân is der gjin Sake Store te finen.
De kar om allinnich
yn Fryslân aktyf te wêzen is eins in hiel bysûndere, en dan ek
hiel bewust naam, sa lei Thijs Baarsma út oan it oanwêzige
steatelid, de wethâlder, fraksjeleden en bestjoersleden fan de
partij. Sake Store is in Frysk famyljebedriuw mei in dúdlike
struktuer en kin op dizze wize ûnderskiedend wurkje en oersjoch
hâlde op de filialen. Troch sa te wurkjen is der ek in goeie
klantrelaasje op te bouwen.
De Baarsma's hechtsje in soad
wearde oan de klantbelibbing. Mystery-shoppers besykje mei regelmjit
de winkels, om de kwaliteit fan de klantfreonlikens sa heech mooglik
te hâlden. Ek
wurde der by Sake Store gau ris 'fashion-events' organisearre. It
Sake Store publyk wurdt by sokke events hiel nau belutsen; om sels
mei te rinnen op de catwalk by in moadeshow, bygelyks.
It
bedriuw hellet dan ek alles út de kast om de slogan "de leukste
fashion store fan Fryslân!" wier te meitsjen. Neffens de
delegaasje fan de FNP út Noard East Fryslân, is de famylje Baarsma
dat seker slagge.
Frysk 
Nederlands