NIJS 08-03-2014
FNP posityf oer MFC/Doarpshûs Feanwâlden
De ôfrûne wiken is yn Feanwâlden ûnrêst ûntstien oer it útstellen fan in beslút oer it MFC/Doarpshûs yn de gemeenteried.
De FNP wol beslúten nimme op basis fan feiten en arguminten. Nei in
ynformaasjejûn oer it MFC/Doarpshûs yn jannewaris, bleaune guon fragen
ûnbeantwurde. Dêrom woe de FNP fraksje neiere ynformaasje ynwinje.
Begjin maart hat de FNP fraksje dan ek yn petear west mei it
stichtingsbestjoer MFC/Doarpshûs en hat doe in helder byld krigen oer de
sitewaasje. Fral it grutte draachflak foar de plannen ûnder de
ynwenners fan Feanwâlden is foar de FNP tige wichtich.
FNP Dantumadiel fynt it foar de leefberens fan grut belang dat it doarp
in breed droegen MFC/Doarpshûs kriget en hat dan ek in posityf gefoel by
de plannen dy’t op 22 april oan de ried foarlein wurde sille.
Tags:
Algemien
MEAR OER DIT ÛNDERWERP
Frysk 
Nederlands